Најдобри периоди за упис во нашата градинка се Август, Октомври, Декември и Март. Но, по договор со родителите кои се на листата за чекање, детето може да стартува и во друг период. Пристапот е индивидуален. Правиме проверка на кое развојно ниво е детето и ја прилагодуваме програмата за него. Во групните активности, приредби и настани, детето се вклучува по желба ако не стартувало во Август. Адаптацијата тече благо, нежно и спокојно. Дете на адаптација започнува најдобро во договорен Понеделник во 9 часот. Дома треба да е доручкувано и останува кратко време додека да стекне доверба во новата средина и возрасните. Следниот ден престојот се продолжува постепено. Вообичаено адаптацијата трае околу 5 дена. За запишување во градинката родителот треба прво да пополни Пријава за упис во детската градинка – на копчето и да приложи Податоци за здравствената состојба на детето (од матичен лекар) и потврда од педијатар за уредно вакцинирање– на копчето

Информативните разговори за упис ги вршиме после 17 часот по заеднички договор со присуство на родителите и детето.

Работното време е од 7 до 17 часот

• Од 7 до 9 е прием на децата, појадуваат и започнуваат со активностите од подготвената средина, уредено според стандардите на Др. Монтесори.
  

• До 11:30 има 3 часовен непрекинат циклус на едукација освен мала пауза за првата ужинка од овошје. 
  

• Од 11:30 до 12:30 програмата продолжува со групни вежби, фискултура, танц или телесен развој.
  

• Ручекот за малите е пред 12 часот откако претходно престојуваме на отворено, а потоа спијат, најдоцна до 14 часот. Спијат само децата што имаат потреба од дневен одмор.
  

• Од 15 часот до заминување на децата имаме групни или индивидуални активности за читање или креативно изразување како и базично изучување на англискиот јазик, или индивидуална рaбота во зависност од потребата на детето или проценка на учителката.
  

• Средбите со родителите ги правиме во интервалот од 13 до 14 часот, кога децата имаат дневен одмор или слободни активности.